Italiya chempionati oltinchi turidan o‘rin olgan «Komo» va «Roma» jamoalari o‘rtasidagi bahsda hakamlar tarkibida o‘zgarish yuz berdi. Ikkinchi bo‘lim o‘rtalarida bosh hakam Mikael Fabbri jarohat olgani sababli o‘yinni davom ettira olmadi.
Shundan so‘ng, shu paytgacha to‘rtinchi hakam vazifasini bajarayotgan Simone Sotssa bosh hakam sifatida ish boshladi. Fabbri esa to‘rtinchi hakam vazifasini bajarishga o‘tdi.
«Komo» bosh murabbiyi Sesk Fabregas jarohat olgan hakamni qo‘l berib qo‘llab-quvvatladi.
Hakam almashtirilgan vaqtda hisob 0:0 edi.
