«Manchester Yunayted»ning qoniqarsiz natijalari bosh murabbiy Maykl Karrikning iste’foga chiqarilishi mumkinligi haqidagi mish-mishlarga sabab bo‘lmoqda.
Ma’lumotlarga ko‘ra, «qizil iblislar» rahbariyati angliyalik mutaxassisga noyabr oyidagi milliy jamoalar o‘yinlari uchun tanaffusga qadar vaqt bermoqchi. Agar shu muddat ichida vaziyat yaxshilanmasa, klub murabbiylar shtabida o‘zgarish qilishga qaror qilishi mumkin.
indykaila News nashrining xabar berishicha, Karrik iste’foga chiqarilgan taqdirda uning o‘rnini egallash uchun asosiy nomzodlardan biri Sesk Fabregas hisoblanadi. Ispaniyalik mutaxassis ayni paytda Italiyaning «Komo» klubini boshqarmoqda.
39 yoshli Fabregas o‘tgan mavsumda «Komo»ni Chempionlar ligasiga olib chiqishga muvaffaq bo‘lgan. Bu natija uning murabbiylik faoliyatidagi muhim yutuqlardan biri bo‘ldi.
Ma’lumot o‘rnida, Fabregas Angliya futboli muxlislariga yaxshi tanish. U futbolchilik faoliyati davomida Londonning «Arsenal» va «Chelsi» klublarida to‘p tepgan. Shu bois uning APLga murabbiy sifatida qaytishi ehtimoli ham muhokama qilinmoqda.
Avvalroq «Manchester Yunayted» Antonio Konte atrofidagi vaziyatni diqqat bilan kuzatayotgani ma’lum qilingandi.
