Angliya milliy jamoasi hujumchisi Harri Keyn JCH-2026 1/16 finalida Kongo DRga qarshi bahsdagi dubli evaziga 2025/26 yilgi mavsumda klub va milliy jamoa safidagi gollari sonini 70 taga yetkazdi.
Shu tariqa, «Bavariya» forvardi bir mavsum davomida klub va milliy jamoa safida eng ko‘p gol urgan futbolchilar ro‘yxatida tarixdagi ikkinchi natijani qayd etdi.
Bu borada undan faqat Lionel Messi oldinda. Argentinalik afsona 2011/12 yilgi mavsumda «Barselona» va Argentina terma jamoasi safida 82 ta gol urgan.
Reyting quyidagicha ko‘rinish olgan:
- Lionel Messi (2011/12, «Barselona» va Argentina) — 82 gol;
- Harri Keyn (2025/26, «Bavariya» va Angliya) — 70 gol;
- Lionel Messi (2012/13, «Barselona» va Argentina) — 69 gol;
- Krishtianu Ronaldu (2011/12, «Real» va Portugaliya) — 69 gol;
- Krishtianu Ronaldu (2014/15, «Real» va Portugaliya) — 69 gol.
Eslatib o‘tamiz, Harri Keyn JCH-2026 1/16 finalida Kongo DR darvozasiga ikkita gol urib, Angliyaga 2:1 hisobidagi g‘alabani taqdim etdi.
Ma'lumot uchun, Keyn JCH-2026 to‘purarlar poygasida 5 ta gol bilan Lionel Messi va Kilian Mbappedan keyingi o‘rinda bormoqda.
