Karrager: «Virtsni «Siti»ga qarshi o‘yinda tarkibga kiritmagan bo‘lardim»

Jeymi Karrager Florian Virtsning «Bornmut»ga (1:0) qarshi o‘yinini tanqid qildi.

«Bu uning «Liverpul» libosidagi eng zaif o‘yinlaridan biri bo‘ldi.

Uni statistikasi yomonligi uchun tanqid qilganman. Ammo odatda Virtsga qarasangiz, u ehtiyotkor va aniq harakat qiladi, to‘pni yaxshi nazorat qiladi — unda yoqadigan jihatlar ko‘p. U odatda to‘pni yo‘qotib qo‘yadi, deb kutiladigan murakkab vaziyatlardan ham chiqib keta oladi.

Ammo meni xavotirga solayotgan narsa shu: menimcha, Virtsning «Liverpul»ga o‘tganidan keyingi o‘yini yomon formasi bilan bog‘liq emas. Aslida biz hozir uning haqiqiy darajasini ko‘ryapmiz.

Uning ma’lum darajada kutilgan natijani oqlashi uchun bosib o‘tishi kerak bo‘lgan yo‘l juda katta, deb o‘ylayman. Bunga yetib borish qiyin. Hatto u biroz yaxshiroq o‘ynay boshlasa ham, baribir bu «Liverpul» sotib olishni kutgan futbolchi darajasi bo‘lmaydi.

Gap faqat Virts haqida emas — bu zanjirli reaksiya. U «o‘nlik» pozitsiyasida o‘ynasa, Dominik Soboslay markaziy yarim himoyada harakat qilishi kerak bo‘ladi. Men Soboslayni markaziy yarim himoyachi deb hisoblamayman. Hisoblamayman.

Menimcha, keyinchalik Iraola qaror qabul qilishi kerak. Agar men «Liverpul»da ishlaganimda, «Manchester Siti»ga qarshi bahsda Virtsni tarkibga kiritmagan bo‘lardim», — dedi mersisaydliklarning sobiq himoyachisi o‘z podkastida.