Каррагер: «Вирцтни «Сити»га қарши ўйинда таркибга киритмаган бўлардим»

Жейми Каррагер Флориан Виртцнинг «Борнмут»га (1:0) қарши ўйинини танқид қилди.

«Бу унинг «Ливерпул» либосидаги энг заиф ўйинларидан бири бўлди.

Уни статистикаси ёмонлиги учун танқид қилганман. Аммо одатда Виртцга қарасангиз, у эҳтиёткор ва аниқ ҳаракат қилади, тўпни яхши назорат қилади — унда ёқадиган жиҳатлар кўп. У одатда тўпни йўқотиб қўяди, деб кутилган мураккаб вазиятлардан ҳам чиқиб кета олади.

Аммо мени хавотирга солаётган нарса шу: менимча, Виртцнинг «Ливерпул»га ўтганидан кейинги ўйини ёмон форма билан боғлиқ эмас. Аслида биз ҳозир унинг ҳақиқий даражасини кўряпмиз.

Унинг маълум даражада кутилган натижани оқлаши учун босиб ўтиши керак бўлган йўл жуда катта, деб ўйлайман. Бунга етиб бориш қийин. Ҳатто у бироз яхшироқ ўйнай бошласа ҳам, барибир бу «Ливерпул» олишни кутган футболчи даражаси бўлмайди.

Гап фақат Виртц ҳақида эмас — бу занжирли реакция. У «ўнлик» позициясида ўйнаса, Доминик Собослаи марказий яримҳимояда ҳаракат қилишига тўғри келади. Мен Собослаини марказий яримҳимоячи деб ҳисобламайман. Ҳисобламайман.

Менимча, кейинчалик Ираола қарор қабул қилиши керак. Агар мен «Ливерпул»да ишлаганимда, «Манчестер Сити»га қарши баҳсда Виртцни таркибга киритмаган бўлардим», — деди мерсисайдликларнинг собиқ ҳимоячиси ўз подкастида.