Афсонавий франциялик собиқ ҳужумчи Терри Анри Муҳаммад Салоҳнинг Туркиядаги муваффақиятларига муносабат билдирди.
Мисрлик футболчи шанба куни «Трабзонспор»нинг «Галатасарой»га қарши ўйинида хет-трик қайд этди. Беллашув мезбонларнинг амалдаги чемпионлар устидан 4:0 ҳисобидаги йирик ғалабаси билан якунланди.
«Энди ҳамма Салоҳ ҳеч қачон «Ливерпул» учун муаммо бўлмаганини кўрмоқда. Эҳтимол, муаммо раҳбариятда бўлгандир, аммо «Миср қироли»да эмас. Тасаввур қилинг, у Туркиянинг энг яхши клубларидан бири бўлган «Галатасарой»га қарши ўйинда илк хет-тригини қайд этди. Сиз бундай ўйинчига ҳурмат билан муносабатда бўлишингиз шарт», - дея Анрининг сўзларидан иқтибос келтиради Topskills Sports UK.
Эслатиб ўтамиз, Муҳаммад Салоҳ ўтган мавсум якунлангач, «Ливерпул»ни эркин агент сифатида тарк этган эди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади