«Манчестер Сити» ва «Ливерпул» жамоалари «Боруссия Д» яримҳимоячиси Феликс Нмечанинг хизматига жиддий қизиқиш билдирмоқда. Бу ҳақда журналист Экрем Конур хабар бермоқда.
Манбага кўра, инглиз клублари германиялик 25 ёшли футболчини анчадан бери кузатиб келмоқда. Нмечанинг трансфери қишки ойнада амалга ошиши мумкин.
Бунинг учун даъвогарлар Феликс бўйича камида 80–90 миллион евро миқдорида таклиф билан чиқиши керак бўлади. «Асаларилар» футболчисига бўлаётган қизиқишларга ҳеч қандай муносабат билдирганича йўқ.
Аввалроқ «Манчестер Юнайтед» жамоаси Нмечага қизиқиш билдирган. Бироқ клублар ўртасидаги музокаралар якунига етмаганди.
Бу мавсумда футболчи Бундеслига доирасида 3 та ўйинда майдонга тушиб, иккита гол уришга муваффақ бўлди. Унинг «Боруссия Д» билан амалдаги шартномаси 2030 йил июн ойи охиригача мўлжалланган.
