«Барселона» ҳужумчиси Рафиня келажагини Каталония клуби билан боғлаш ниятида эканини маълум қилди.
Бразилиялик футболчи амалдаги шартномасини яна узайтиришга ва имкон қадар фаолиятининг қолган қисмини «Барселона»да ўтказишга тайёрлигини билдирди.
«Ҳа, шартномамни яна бироз узайтиришни ва бошқа клубга ўтмасдан фаолиятимни шу ерда якунлашни истардим», — дея Рафиньянг сўзларини келтиради Marca нашри.
Маълумот учун, «Барселона» спорт директори Деку ҳам аввалроқ клуб бразилиялик ҳужумчининг ўйинидан мамнун эканини ва унинг 2028 йилдан кейинги келажаги бўйича музокара олиб боришни исташини тасдиқлаган.
Бу мавсумда бразилиялик футболчи Ла Лиганинг 5 та баҳсининг барчасида гол урди. Ҳозирда унинг голлари сони 8 тани ташкил этмоқда. Футболчи «Расинг»га (7:2) қарши 7 баҳсда ҳет-трик муаллифига айланди.
