«Манчестер Сити» бош мураббийи Энцо Мареска ҳимоя марказини муаммоли позициялардан бири сифатида кўрмоқда. Рубен Диаш ўзининг энг яхши даражасини кўрсата олмаяпти, Абдуқодир Ҳусанов, Марк Геҳи ва Витор Рейс эса жамоа устозини тўлиқ ишонтира олмаяпти. Мареска клубдан ҳимоячига сармоя киритишни сўради ва «Барселона»дан Пау Кубарси номзодини тавсия қилди.
The Independent нашрининг хабар беришича, «Манчестер Сити» Кубарси учун жуда катта пул таклиф қилиши мумкин. Бироқ, «Барселона» ўйинчи учун эшикни ёпиб қўйган: ҳимоячи бўйича ҳеч қандай трансфер таклифлари кўриб ҳам чиқилмайди. Назарий жиҳатдан Кубарсини «кўк-анорранглилар»дан фақат товон пули орқали сотиб олиши мумкин. Худди Неймар билан бўлгани сингари.
Нуфузли Transfermarkt портали 19 ёшли Пау Кубарсининг актуал трансфер нархини 100 миллион еврога баҳоламоқда.
