Мадриднинг «Реал» клуби собиқ футболчиси Марселога икки юлдуз Лионел Месси ва Криштиану Роналду ўртасида танлов қилишни сўраб мурожаат қилишди. Бразилиялик тахмин қилинганидек собиқ жамоадошини аргентиналикдан устун қўйди.
«Умримнинг охиригача Криштиану!» - дея Марсело сўзларидан иқтибос келтиради The Touchline.
Эслатиб ўтамиз, ҳозирги кунда Криштиану Роналду Саудия Арабистонида «Ан Наср» шарафини ҳимоя қилмоқда. Лионел Месси ҳам бир неча йилдан буён Европада тўп тепмаяпти – аргентиналик юлдуз МЛСнинг «Интер Майами» клуби сафида ҳаракат қилмоқда.
Маълумот учун, Лионел Месси фаолияти давомида саккиз марта «Олтин тўп» совринини қўлга киритган бўлса, Криштиану Роналду ҳисобида 5 та ана шундай соврин мавжуд.
