«Реал»нинг собиқ ҳужумчиси Карим Бензема фаолиятини Германиянинг «Байер» клубида давом эттирмоқчи. Журналист Илиес Каддурининг Х ижтимоий тармоғидаги саҳифасида хабар беришича, футболчи ва клуб ўртасида алоқа ўрнатилган ва франциялик футболчи трансферга катта қизиқиш билдирган.
Манбага кўра, Бензема леверкузенликлар лойиҳасини собиқ жамоадошлари Муса Диаби ва Лукас Васкес билан ҳам муҳокама қилган. Маълум қилинишича, футболчининг Саудия Арабистони футболи элчиси сифатидаги 2030 йилгача мўлжалланган шартномаси ҳар қандай эҳтимолий ўтишга тўсқинлик қилмоқда.
Эндиликда 38 ёшли футболчининг агентлари ушбу шартнома шартларини юмшатиш бўйича музокаралар олиб бормоқда. Қишда Карим Бензема «Ал Иттиҳод»дан «Ал Ҳилол» сафига кўчиб ўтганди ва ёзда эркин агент сифатида клубни тарк этди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади