Сўнгги кунларда матбуотда «Барселона» «ПСЖ» яримҳимоячисига қизиқиш билдираётгани ҳақида маълумотлар кўпаймоқда. Гап матбуотда хабар қилинганидек, Испанияга қайтмоқчи бўлган Фабиан Руис ҳақида кетмоқда.
«ПСЖ» президенти Носир ал Ҳелайфи ва жамоа бош мураббийи Луис Энрике «Барселона»нинг яримҳимоячи Фабиан Руисга бўлган қизиқишини яхши билади ва бу вазият учун қизиқарли режа ишлаб чиққан. Агар Марк Бернал қарама-қарши йўналишда қўйиб юборилса, парижликлар тажрибали яримҳимоячини «Камп Ноу»га жўнатишга тайёрлар. Бу ҳақда RMC Sport нашри хабар бермоқда.
Таъкидланишича, Энрике «Барселона»даги ўйин вақти чекланган 19 ёшли Бернални ёқтиради.
Маълумот учун, Марк Бернал Ла Лига 2026/27-йилги мавсумида 6 та ўйинда майдонга тушди ва 2 та голли узатма етказиб берди. Ўз навбатида, иқтидорли яриҳимоячи УЕФА Чемпионлар Лигаси 1-тур ўйинида захирадан майдонга туширилди ҳамда 27 дақиқа ҳаракат қилди.
