«Бавария» клуби ва Англия миллий жамоаси форварди Ҳарри Кейн «Олтин тўп» совринини қўлга киритиш имкониятлари ҳақида гапириб ўтди.
«Мен ҳеч қачон ўзим ҳақимда кўп гапиришни ёқтирмаганман. Фақат битта нарса дейишим мумкин: ўтган мавсум шахсий фронтда ҳам, жамоавий фронтда ҳам жуда ажойиб бўлди. Шубҳасиз, бу фаолиятим давомидаги энг муваффақиятли мавсум эди. 73 та голга ортиқча изоҳ шарт бўлмаса керак. Бу футбол тарихида Мессининг натижасидан кейинги (2011/12-йилги мавсумда 82 та гол) энг яхши кўрсаткич. Шубҳасиз, бу билан фахрланаман», — деди Кейн MARCA нашрига берган интервюсида.
Шунингдек, ҳужумчи «Олтин тўп» соврини сўровномасига ҳеч қанақасига таъсир кўрсата олмаслигини таъкидлаб, ўтган мавсум — энди тарихлигини қўшимча қилди. Ҳозир Англия миллий жамоаси сардорининг бор эътибори бошланган мавсумга қаратилган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади