«Реал» Ла Лигада фақат бир бор «Барса»дан 6 очко ортда қола туриб, чемпион бўлган

«Реал» бу мавсумда Ла Лигада ғолиб бўлиш учун тарихдаги ноёб натижасини яна такрорлашига тўғри келади.

7-турда «Атлетико»га (1:2) мағлуб бўлганидан сўнг, Жозе Моуринио бошчилигидаги жамоа турнир жадвали пешқадами «Барселона»дан 6 очкога ортда қолмоқда.

Мадридликлар тарихда атиги бир марта «кўк-анорранглилар»дан шунча фарқ билан ортда қолган ҳолда чемпионликни қўлга киритишган. 2006/07 йилги мавсумда 25-турга келиб, улар каталонияликлардан 6 очко ортда эди (43 га 49 очко). Бироқ якунда ҳар икки жамоа 76 очкодан тўплаган ва «Реал» ўзаро ўйинлардаги натижалар эвазига 1-ўринни эгаллаб, чемпион бўлган.