«Атлетико» ҳимоячиси Кристиан Ромеро Испания чемпионатининг 7-турида «Реал» устидан қозонилган ғалабадан кейин ўз фикрлари билан ўртоқлашди. Мадрид дербиси «матрасчилар»нинг 2:1 ҳисобидаги ғалабаси билан якунланди.
«Мадрид — қизил-оқ рангда! Ҳеч ким эътиборни бундан чалғитишига йўл қўйманг! Биз уч очкога тўла ҳақли эдик.
Фахр, фидойилик ва ажойиб жамоавий руҳ — буларнинг барчаси бизнинг жамоамизда бор», — дея Ромеронинг сўзларини келтиради журналист Фабрицио Романо.
Қайд этиш лозим, «Атлетико» ушбу ғалабадан кейин Ла Лигадаги очколари сонини 16 тага етказди. Диего Симеоне жамоаси 7 та турдан сўнг турнир жадвалида 2-ўринни эгаллаб турибди ва пешқадам «Барселона»дан 5 очкога ортда қолмоқда.
Маълумот ўрнида, «матрасчилар» Ла Лигадаги навбатдаги учрашувини 10 октябр куни ўтказади. Мадридликлар ушбу турда сафарда «Алавес»га қарши майдонга тушади.
