Калифорния Атлетика комиссияси UFC 331 турнирида иштирок этган жангчиларнинг гонорарларини эълон қилди.
Маълумотларга кўра, Маурисио Руффига қарши жанг ўтказган Арман Царукян 350 минг доллар ишлаб топди. Арманистонлик жангчининг бразилиялик рақибига эса 110 минг доллар тўланди.
Оқшомнинг асосий жанги иштирокчилари Жошуа Ван ва Алешандре Пантожа мос равишда 500 минг ва 650 минг доллар гонорар олди. Шу тариқа, Пантожа UFC 331 турнирида энг катта гонорарга эга бўлган жангчига айланди.
Турнир иштирокчилари орасида энг кам маблағ Ю Жу Санга тўланди. Унинг гонорари 12 минг долларни ташкил этди.
Қайд этилишича, эълон қилинган суммаларга UFC 331 якунлари бўйича жангчиларга тақдим этиладиган турли бонуслар киритилмаган. Шу сабабли, айрим спортчиларнинг турнирдан олган умумий даромади кўрсатилган гонорардан юқори бўлиши мумкин.
