Ўзбекистон делегацияси XX ёзги Осиё ўйинларидаги иккинчи медалини қўлга киритди.
Аралаш жанг санъатининг модерн йўналишида -71 кг вазн тоифасида иштирок этган Нодирбек Шавкатов мусобақани бронза медали билан якунлади.
Ҳамюртимиз мусобақа давомида муваффақиятли иштирок этиб, яримфинал босқичига қадар етиб борди. Финал йўлланмаси учун кечган беллашувда Шавкатов Қозоғистон вакили Қодирбек Шинбаевга қарши баҳс олиб борди. Муросасиз кечган тўқнашув якунида қозоғистонлик спортчининг қўли баланд келди.
Шу тариқа, Нодирбек Шавкатов 2026 йилги Осиё ўйинларида учинчи ўринни эгаллаб, бронза медалига сазовор бўлди.
Ушбу натижа Ўзбекистон делегацияси учун мусобақадаги иккинчи медал бўлди. Ҳамюртимиз аралаш жанг санъатлари бўйича мамлакатимиз ҳисобига навбатдаги совринни қўшиб қўйди.
Аввалроқ Ҳумоюнмирзо Ҳалимов Осиё ўйинларининг кумуш медалини қўлга киритгани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади