Испаниялик собиқ ҳакам Павел Фернандес Испания Ла Лигасининг 7-туридан ўрин олган «Атлетико» — «Реал» (2:1) учрашувидаги баҳсли вазиятга муносабат билдирди.
Эпизодда «Реал» ҳимоячиси Дин Ҳейсен «Атлетико» вингери Жулиано Симеонега нисбатан қоидабузарлик ишлатди. Дастлаб бош ҳакам Ҳейсенга сариқ карточка кўрсатди, аммо VAR’ни кўриб чиққач, қарорини ўзгартириб, футболчини майдондан четлатди.
Шунингдек, «Атлетико» фойдасига пеналти белгиланди ва Алехандро Грималдо уни голга айлантирди.
«Дин Ҳейсен томонидан енгил ушлаб қолиш бўлди, Жулиано Симеоне эса контактни ҳис қилиши билан йиқилди. Бу пеналти эмас эди», — деб ёзди Фернандес X ижтимоий тармоғидаги саҳифасида.
Маълумот ўрнида, учрашувни Мигел Анхел Ортис Арияс бошқарди. Ушбу натижадан сўнг Симеоне жамоаси очколарини 16 тага етказиб, «Реал»ни (15, 3-поғона) ортда қолдирган ҳолда 2-ўринга кўтарилди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади