«Реал» «Аякс» яримҳимоячиси Абделла Уазанга яна қизиқиш билдирмоқда. Бу ҳақда журналист Экрем Конур маълум қилди.
Мадрид клуби 17 ёшли футболчини 2025 йилда ўз сафига қўшиб олишга ҳаракат қилган эди. Бироқ ўша пайтда трансфер футболчининг тиббий кўрикдан ўта олмагани сабабли амалга ошмай қолган.
Орадан вақт ўтиб, «Реал» Уазан номзодига яна қайтишга қарор қилгани айтилмоқда. Мадрид клуби марокашлик футболчининг ривожланишини кузатишда давом этмоқда.
Уазан ушбу мавсум Нидерландия чемпионатида еттита баҳсда майдонга тушиб, битта гол урди. 17 ёшли яримҳимоячи «Аякс»нинг асосий таркибида ўзини кўрсатишга ҳаракат қилмоқда.
Маълумот учун, Уазаннинг «Аякс» билан амалдаги шартномаси 2028 йил ёзигача мўлжалланган. Тransfermarkt марокашлик футболчининг трансфер қийматини 1,5 миллион еврога баҳолаган.
