«Ливерпул» яримҳимоячиси Флориан Вирцнинг келажаги бўйича қарор қабул қилгани айтилмоқда. Football Insider хабарига кўра, Мерсисайд клуби немис футболчисини январ ойидаги трансфер ойнасида ижарага бериш бўйича таклифларни кўриб чиқишга тайёр.
Манбага кўра, «Ливерпул» Вирцни Бундеслигага қайтариш вариантини ҳам истисно қилмаяпти. Немис яримҳимоячиси Англияга кўчиб ўтишидан аввал «Байер» сафида муваффақиятли тўп тепган ва Германия чемпионатини яхши билади.
Шу билан бирга, «Ливерпул» футболчини тўлиқ сотишга тайёр эмас. Клуб Вирцни ижарага юбориш орқали унинг мунтазам ўйин амалиётига эга бўлиши ва келажакда жамоага қайтиши вариантини кўриб чиқмоқда.
Флориан Вирцнинг трансфер қиймати 100 миллион еврога баҳоланмоқда. Унинг «Ливерпул» билан амалдаги шартномаси 2030 йил июн ойи охиригача мўлжалланган.
Вирц ушбу мавсум Англия Премер-лигасида тўртта баҳсда майдонга тушиб, битта голли узатмани амалга оширди.
Маълумот учун, Вирц «Ливерпул»га «Байер»дан ўтган ва клубнинг яримҳимоя чизиғида ўйнамоқда.
