«Барселона» «Манчестер Сити» ва Норвегия миллий жамоаси ҳужумчиси Эрлинг Ҳоландни ҳамон трансфер мақсади сифатида кўрмоқда. Бу ҳақда Football Insider хабар берди.
Манбага кўра, каталонияликлар 2027 йилда 26 ёшли футболчи учун катта таклиф билан чиқиши мумкин. «Барселона» раҳбарияти норвегиялик ҳужумчини жамоанинг марказий ҳужум чизиғини кучайтириш учун асосий номзодлардан бири сифатида кўрмоқда.
Маълумот учун, Ҳоланднинг трансфер қиймати 220 миллион еврога баҳоланмоқда. Норвегиялик футболчининг «Манчестер Сити» билан амалдаги шартномаси эса 2034 йил июн ойи охиригача мўлжалланган.
Эслатиб ўтамиз, Ҳоланд ушбу мавсум Англия Премер-лигасида тўртта баҳсда майдонга тушиб, тўртта гол урди. Норвегиялик ҳужумчи ўтган мавсумда ҳам «Манчестер Сити»нинг энг яхши тўпурари бўлган.
Қайд этиш жоиз, «Барселона» эса айни вақтда Испания чемпионатидаги баҳсларини муваффақиятли давом эттирмоқда.
