Моуринио: «Заиф ҳакамни тайинлаган қўмитани табриклайман»

Жозе Моуринио Ла Лига 7-туридан ўрин олган «Атлетико» – «Реал» баҳсида Мигел Анхел Ортис Ариас бошчилигидаги ҳакамлар бригадасининг ишидан норози бўлди.

Меҳмонлар иккинчи бўлим бошида Дин Ҳейсеннинг майдондан четлатилиши натижасида бир киши кам бўлиб қолишди. «Матрасчилар» эса пеналтидан ҳисобни очишди ва якунда 2:1 ҳисобида ғалаба қозонишди.

«Ҳакамга дербида ишлаш учун тажриба етишмади. У 41 ёшда. У — фақат кичик ўйинларни бошқарган кучсиз ҳакам. Бундай тайинлов учун ҳакамлар қўмитасини табриклайман.

Аммо сениор Трухилионинг «Реал» билан боғлиқ тарихи бор. Кубокда, «Жирона» ва «Осасуна»га қарши ўйинларда. Бу — жуда бой тарихга эга VAR», — дея «Реал» бош мураббийининг сўзларини келтиради Marca.

Аввалроқ «Реал» телевиденияси «Атлетико»нинг икки футболчиси четлатилмагани юзасидан норозилик билдирганди.