Миржалол Қосимов: «Иккинчи бўлимда ўйин тизгинини қўлга олдик ва ҳақли равишда ғалаба қозондик»

Суперлиганинг 22-турида Зоминда ОКМК клуби мезбонлар – «Сўғдиёна»га қарши учрашувда ирода кўрсатишди ва сафарда 2:1 ҳисобидаги муҳим ғалабани қўлга киритишди.

ОКМК бош мураббийи Миржалол Қосимов матбуот анжуманида қуйидагиларни айтди:

- Ҳақиқатан қизиқарли ўйин бўлди. Бир-бирига муносиб, курашадиган ва чиройли ўйин кўрсатадиган жамоалар беллашди. Биринчи бўлимда стандартдан гол ўтказиб юбордик. «Сўғдиёна» жамоаси хатоимизни кечиргани йўқ.

Иккинчи бўлимда йигитлар ўзларида куч топишди, ўйин тизгинини ўз қўлимизга олиб, ҳақли равишда ғалаба қозондик. Ўйлайманки, мухлислар чиройли ўйин гувоҳи бўлишди. Фурсатдан фойдаланиб, Олмалиқдан келиб жамоамизни қўллаб-қувватлаган мухлисларимизга миннатдорчилик билдираман. Футболчиларимиз охиригача курашишди ва уч очкога эга бўлдик.

Энди миллий жамоамизни ўқув-машғулот йиғини бўлади, ўртоқлик ўйинлари ўтказилади. Шу муносабат қисқа таътилга чиқдик, яхши кайфиятда. Бу ёғига кейинги ўйинларга тайёргарлик кўрамиз», - дея Миржалол Қўшоқовичнинг сўзларини келтиради Tribuna.uz журналисти.