«Реал» клуби телевидениесида «Атлетико»га қарши дербида ҳакамлик қилган Мигел Анхел Ортис Ариас кескин танқид қилинди.
Ла Лиганинг 7-тури доирасида «Метрополитано» стадионида ўтган баҳс «қироллик клуби»нинг 1:2 ҳисобидаги мағлубияти билан якунланди.
37-дақиқада Жуд Беллингҳэм подкатда Кристиан Ромерони йиқитди. Бош ҳакам Мигел Анхел Ортис Ариас дастлаб «Реал» яримҳимоячисига сариқ карточка кўрсатди, аммо видеотакрорни кўриб чиққач, қарорини бекор қилди ва сариқ карточкани «Атлетико» ҳимоячисига кўрсатди. Чунки аргентиналик футболчи бутсаси билан Жуднинг тиззадан бироз пастроқ қисмини босиб олганди.
45-дақиқада эса «Атлетико» ҳавбеки Ли Кан Ин марказдан узоқ бўлмаган жойда «Реал» яримҳимоячиси Федерико Валверденинг тўпиғи соҳасига бутсасининг таги билан билан тепганди. Уругвайлик футболчи норози ҳолда ўрнидан туриб, бош ҳакам олдига югуриб борди, аммо Ариас кореялик футболчини огоҳлантирмади.
«Ромеро Жуд Беллингҳэмга нисбатан қоидабузарлик қилди. Бу — қизил карточкага лойиқ бўлган яққол қоидабузарлик. Аниқ кўриниб турибди. Дарсликдаги каби аниқ қизил карточка. Қандай шармандалик, қандай шармандалик...
Нега Ромерога сариқ карточка? Ортис Ариас яна кимнидир йўқ қилди, қандай шармандалик! Тебас ва Негрейра Лигаси.
У камералар олдида ҳакам бўлишни хоҳлади. У ўзининг ҳақиқий қиёфасини кўрсатди, яъни Негрейрага пул тўлаган жамоага садоқатини. Бугун у иккита аниқ қизил карточкани кўрсатмади. Биз «Атлетико» 10 киши бўлиб қолиши керак, деб ҳисоблаймиз... Йўқ! Улар 9 киши бўлиб қолиши керак эди! Чунки Ли Кан Ин ҳам Вальвердега нисбатан қоидабузарлик қилди», — деди «Реал» клуби телевидениеси бошловчиси.
Мухлислар бу янгиликни Telegram’да муҳокама қилмоқда
Изоҳлар Telegram’да очилади