Швейцария Суперлигаси. «Лугано» аутсайдерни тор-мор этди, Каримовда ассист

Швейцария чемпионатининг 9-турида пешқадам «Лугано» сафарда «Лозанна» дарвозасига жавобсиз 4 та гол урди.

Меҳмонлар сафида Ўзбекистон миллий жамоаси ҳимоячиси Беҳруз Каримов 72 дақиқа ҳаракат қилиб, ассистни ўз ҳисобига ёздириб қўйди.

«Лугано» очколарини 25 тага етказиб, 1-ўринни мустаҳкамлади ва 2-поғонадаги «Янг Бойз»ни 6 очкога ортда қолдирмоқда. «Лозанна» эса 6 очко билан сўнгги ўринга жойлашган.

Швейцария Суперлигаси. 9-тур
Лозанна — Лугано 0:4
20 сентябр, «Стад де ла Тулер»
Голлар: Делкруа (35 пеналти, 48, 52), Соу (61, автогол).
Лугано — фон Баллмос, Пападопулос, Маи, Делкруа, КАРИМОВ (Маркес, 72), Бислими (Кендучи, 72), Гргич (Айдин, 81), дос Сантос, Чиминяни (Занотти, 56), Эспиноза (Айети, 57), Монкада.