Суперлига. «Нефтчи» меҳмонда «Локомотив»ни мағлуб этиб, яна пешқадамга айланди

Суперлиганинг 22-турида «Нефтчи» сафарда «Локомотив»ни 1:0 ҳисобида мағлуб этди.

Баҳсдаги ягона гол 62-дақиқада киритилди. Зоран Марушич мезбонлар дарвозасини ишғол қилиб, «Нефтчи»га ғалаба келтирди.

Қолган вақтда «Локомотив» ҳисобни тенглаштиришга ҳаракат қилди, бироқ «Нефтчи» ҳимояси рақибга гол уриш имконини бермади.

Ушбу натижадан сўнг «Локомотив» 35 очко билан 4-ўринда қолди. «Нефтчи» очколарини 51 тага етказиб, яна пешқадамликка қайтди. Фарғона жамоаси «Пахтакор»дан 2 очко олдинда бормоқда.

Суперлига. 22-тур
Локомотив — Нефтчи 0:1
Гол: Марушич 62.

Локомотив: Козлов, Туплиев (Абраев, 72), Нуруллаев (Баҳодиров, 72), Абдухолиқов, Иванов, Шушняр, Мирзаев, Кучеренко, Йўлдошев, Муҳаммадиев (Яхшибоев, 57), Зотеев.
Нефтчи: Эргашев, Алибаев, Исмоилов (Тошмирзаев, 69), Искандеров, Абдуғаниев, Ғофуров, Одилов (Ғиёсов, 69), Марушич (Перитса, 69), Сайфиев, Куао, Ратино (Убайдуллаев, 81).