«Atletiko» himoyachisi Kristian Romero Ispaniya chempionatining 7-turida «Real» ustidan qozonilgan g‘alabadan keyin o‘z fikrlari bilan o‘rtoqlashdi. Madrid derbisi «matraschilar»ning 2:1 hisobidagi g‘alabasi bilan yakunlandi.
«Madrid — qizil-oq rangda! Hech kim e’tiborni bundan chalg‘itishiga yo‘l qo‘ymang! Biz uch ochkoga to‘la haqli edik.
Faxr, fidoyilik va ajoyib jamoaviy ruh — bularning barchasi bizning jamoamizda bor», — deya Romeroning so‘zlarini keltiradi jurnalist Fabrizio Romano.
Qayd etish lozim, «Atletiko» ushbu g‘alabadan keyin La Ligadagi ochkolari sonini 16 taga yetkazdi. Diego Simeone jamoasi 7 ta turdan so‘ng turnir jadvalida 2-o‘rinni egallab turibdi va peshqadam «Barselona»dan 5 ochkoga ortda qolmoqda.
Ma’lumot o‘rnida, «matraschilar» La Ligadagi navbatdagi uchrashuvini 10-oktabr kuni o‘tkazadi. Madridliklar ushbu turda safarda «Alaves»ga qarshi maydonga tushadi.
