Simeone: «Mourinio bo‘lsang ham, barcha narsaga ruxsat berilmaydi»

«Atletiko» bosh murabbiyi Diego Simeone La Liga 7-turidan o‘rin olgan «Real»ga (2:1) qarshi o‘yindan so‘ng o‘z fikrlari bilan o‘rtoqlashdi.

«Birinchi bo‘limda o‘yinni yaxshi nazorat qildik, raqibda gol urish uchun yaqqol vaziyatlar bo‘lmadi. O‘yin taqdirini o‘zgartirib yuborishi mumkin bo‘lgan epizodlar bo‘ladi: Juliano bilan bog‘liq holat va penalti ham shunday vaziyat edi. Son jihatdan ustun bo‘lganimizda, raqibga muammo tug‘dirishimiz mumkin bo‘lgan vaziyatlardan foydalandik. Shunday vaziyatlardan birida Devid gol urdi, keyin esa ular o‘zlarining xavfli hujumlaridan birida farqni qisqartirishdi.

Mourinioning soʻzlari? Bu borada izohlaydigan narsam yoʻq. Bular — oʻyinda boʻlib turadigan holatlar. Baʼzida qarorlar sening foydangga, baʼzida esa aksincha boʻladi. Hakamlarga boʻlgan hurmatni yoʻqotmaslik kerak. Hatto sen Mourinio boʻlsang ham, hamma narsaga ruxsat berilmaydi», — dedi “Atletiko” bosh murabbiyi DAZN efirida.