«PSJ» bosh murabbiyi Luis Enrike Fransiya chempionatining 5-turida «Marsel» ustidan qozonilgan 2:1 hisobidagi g‘alabadan so‘ng o‘z fikrlari bilan o‘rtoqlashdi.
«Biz kutganimizdek, juda qiyin o‘yin bo‘ldi. Hamma oson bo‘ladi, deb aytgandi, ammo «Velodrom»da o‘ynash umuman oson emas.
O‘z futbolimizni namoyish etishga harakat qildik. Birinchi bo‘limda raqib juda yaxshi himoyalangani uchun kamroq vaziyat yaratdik. Ikkinchi bo‘limda esa hammasi o‘zgardi va biz juda yaxshi o‘ynadik.
Biz juda katta ishni amalga oshirdik. Hech narsa osonlikcha qo‘lga kiritilmaydi. Bugun juda yaxshi «Marsel»ni ko‘rdik, ayniqsa, ular himoyada kuchli harakat qilishdi.
Jamoaning juda yaxshi murabbiyi bor va ular kelajakda yanada o‘sishiga ishonaman», — dedi Enrike Ligue 1+ efirida.
Ma’lumot o‘rnida, ushbu g‘alaba orqali «PSJ» Fransiya chempionatida muhim uch ochkoni qo‘lga kiritdi va turnir jadvalida 6-o‘ringa ko‘tarildi.
