Sarukyan: «Geyji men bilan jangdan qochishga harakat qilyapti. U qo‘rqyapti»

Arman Sarukyan UFC 331 turnirida Maurisio Ruffini mag‘lub etganidan so‘ng, chempion Jastin Geyjining u bilan jang qilishdan qochayotganini aytdi.

«Geyji biror marta ham mening ismimni tilga olmagan. U qo‘rqyapti va Ruffining meni nokautga uchratishini xohlagan.

Geyji bu jangdan qochishga harakat qilyapti: Topuriya bilan jang qilishni so‘rashi yoki men bilan jang uchun 15 million dollar talab qilishini aytishi... Aks holda faoliyatini yakunlashini bildirishi mumkin. U bema’ni o‘yinlar o‘ynayapti. Shuning uchun u yo kamar uchun men bilan jang qiladi yoki kamarni bo‘shatib, yoshroq da’vogarlarga imkoniyat beradi», — dedi Sarukyan.

UFC 331 turnirida armanistonlik jangchi birinchi raundda Ruffini tirsak zarbalari bilan nokautga uchratdi.