Мбаппе Дембеле билан муносабатлари ёмонлашгани ҳақидаги хабарларга муносабат билдирди

Килиан Мбаппе «Олтин тўп» ҳақидаги баёнотларидан кейин Усмон Дембеле билан муносабатларида таранглик юзага келгани ҳақидаги миш-мишларга муносабат билдирди.

Аввалроқ «Реал» ҳужумчиси Дембеле ҳар доим «иқтидорли футболчи» сифатида баҳоланганини, унинг ўзи эса «танланган футболчи» сифатида қабул қилинганини айтганди.

Шундан сўнг «ПСЖ» ҳужумчиси шундай деди: «Фаолиятим давомида бирор марта ҳам кўп гапирган эмасман, шунчаки жуда кўп меҳнат қилганман. Айтганимдек, мен ҳеч қачон танланган футболчи бўлмаганман, фақат кўп меҳнат қилганман.

Бу ҳақда у билан аллақачон гаплашиб олдим: ҳеч қандай таранглик йўқ, у — менинг дўстим.

Аслида, бу масала туфайли ҳеч қандай муаммо йўқ, мен мутлақо хотиржамман.

Миллатлар лигаси ўйинлари ва Франция миллий жамоасидаги иштирокка келсак, бундай пайтларда муҳокама қилиш учун ҳар доим бирор сабаб топилади. Менимча, бу ҳолат ҳам шу муҳокамага сабаб бўлди», — дея Мбаппенинг сўзларини келтиради Actu Foot.