O'zbekiston milliy jamoasi bosh murabbiyi Fabio Kannavaro tarixda Jahon chempionatida ham futbolchi, ham murabbiy sifatida qatnashgan to'rtinchi «Oltin to'p» sohibi bo'ldi. Bu haqda Opta xabar berdi.
Kannavaro shogirdlari mundialdagi ilk o'yinini Kolumbiyaga qarshi o'tkazmoqda. Bundan avval Fabio qayd etgan natijaga faqat Frants Bekkenbauer, Oleg Blohin va Marko van Basten erishgan.
Ma'lumot o'rnida, Kannavaro 2006 yilda Italiya milliy jamoasi safida jahon chempionatida g'oliblikni qo'lga kiritgan. O'sha yili himoyachi «Oltin to'p»ga ham ega chiqqan.
Qayd etish lozim, afsonaviy sobiq futbolchi O'zbekiston milliy jamoasini 2025 yil oktyabr oyidan beri boshqarib kelmoqda.
