Fransiyaning Senegalga qarshi boshlang'ich tarkibi — Jahon chempionatlari tarixidagi eng qimmati

Transfermarkt portali JCh-2026 doirasidagi Fransiya – Senegal oʻyini haqidagi qiziqarli fakt bilan oʻrtoqlashdi.

Unga koʻra, Fransiya milliy jamoasi tarkibi umumiy qiymati boʻyicha jahon chempionatlari tarixidagi eng qimmatbaho hisoblanadi. Futbolchilarning umumiy qiymati 908 mln yevroni tashkil etdi.

Bu JCh tarixidagi ikkinchi eng qimmatbaho tarkibdan deyarli 200 mln yevro koʻpdir. Ushbu rekord ham Frantsiyaga tegishli hisoblanadi. Ya'ni, 2018 yilda ular Avstraliyaga qarshi oʻyinda (2:1) umumiy qiymati 710 mln yevroga teng oʻyinchilardan foydalangan.

Reytingning uchinchi oʻrnini 2018 yildagi Rossiyadagi mundialda Shveytsariyaga qarshi (1:1) oʻynagan Braziliya milliy jamoasi egallagan – 650 mln yevro.