Ўзбекистон миллий жамоаси бош мураббийи Фабио Каннаваро тарихда Жаҳон чемпионатида ҳам футболчи, ҳам мураббий сифатида қатнашган тўртинчи «Олтин тўп» соҳиби бўлди. Бу ҳақда Opta хабар берди.
Каннаваро шогирдлари мундиалдаги илк ўйинини Колумбияга қарши ўтказмоқда. Бундан аввал Фабио қайд этган натижага фақат Франц Беккенбауэр, Олег Блохин ва Марко ван Бастен эришган.
Маълумот ўрнида, Каннаваро 2006 йилда Италия миллий жамоаси сафида жаҳон чемпионатида ғолибликни қўлга киритган. Ўша йили ҳимоячи «Олтин тўп»га ҳам эга чиққан.
Қайд этиш лозим, афсонавий собиқ футболчи Ўзбекистон миллий жамоасини 2025 йил октябр ойидан бери бошқариб келмоқда.
