Kolumbiya sardori Xames Rodriges jamoasi safida uchta mundialda o'ynagan uchinchi futbolchiga aylandi.
Xames jahon chempionati guruh bosqich 1-tur doirasidagi O'zbekistonga qarshi o'yinda Kolumbiya milliy jamoasining boshlang'ich tarkibida maydonga tushdi. 34 yoshli yarimhimoyachi uchun bu uchinchi jahon chempionati bo'lmoqda, u avval 2014 va 2018 yillarda ham ishtirok etgan.
Bundan avval shunday natijaga faqat Freddi Rinkon va Karlos Valderrama erishgan. Ular 1990, 1994 va 1998 yillardagi turnirlarda milliy jamoa sharafini himoya qilgan.
