Norvegiya milliy jamoasi hujumchisi Erling Holand jahon chempionati guruh bosqich 2-tur doirasidagi Senegalga qarshi bahs (3:2)dan so‘ng o‘z fikrlari bilan o‘rtoqlashdi.
«Men jamoamdan faxrlanaman va o‘yinlardan zavqlanyapman. Yana bir ajoyib kecha. Milliy jamoadan o‘ynashni yaxshi ko‘raman.
Jahon chempionatida ishtirok etish — bu juda ajoyib hissiyot», — deya Holandning so‘zlarini keltiradi FIFA matbuot xizmati.
Eslatib o‘tamiz, 1-turda Erling Iroq darvozasiga ham ikki gol urishga muvaffaq bo‘lgandi. Endi guruh bosqichining so‘nggi o‘yinida Norvegiya milliy jamoasi Frantsiyaga qarshi maydonga tushadi.
