Norvegiya milliy jamoasi 2026 yilgi jahon chempionatida ishtirok etish uchun o'zi bilan birga bir tonnadan ziyoda maxsus oziq-ovqat mahsulotlarini olib keldi. Bu haqida Diario AS nashri xabar tarqatdi.
Norvegiyaliklarning AQSHning Shimoliy Karolina shtati, Grinsboro shahridagi qarorgohiga keltirilgan mahsulotlar ro'yxatidan 6000 dona apelsin, 300 kg atlantika lososi va oq baliq, shuningdek, 116 kg milliy jigarrang pishloq o'rin olgan.
Bundan tashqari, futbolchilar va murabbiylar shtabi bilan birga milliy jamoaning shaxsiy shef oshpazi ham AQSHga tashrif buyurgan.
Eslatib o'tamiz, Norvegiya guruh bosqichining 1-turida Iroqni 4:1 hisobida mag'lub etib, guruhda peshqadamlik qilmoqda.
