AQSH milliy jamoasi hujumchisi Florin Balogun Avstraliyaga qarshi kechgan o'yinning (2:0) eng yaxshi futbolchisi deb topildi.
24 yoshli amerikalik hujumchi bahs boshida raqib darvozasi tomon xavfli uzatmani amalga oshirdi va bu vaziyat avtogol bilan yakunlandi.
Shuningdek, u uchrashuv davomida sariq kartochka oldi va 90+6-daqiqada zaxiraga olindi.
AQSH terma jamoasi 6 ochko bilan D guruhida peshqadamlik qilmoqda va JCH-2026 pley-off bosqichi yo'llanmasini naqd qilib ulgurgan. Avstraliya esa 3 ochko bilan turnir jadvalining ikkinchi pog'onasini band etgan.
Guruh bosqichining 3-turida 26 iyun kuni amerikaliklar Turkiyaga qarshi maydonga tushadi.
