Oʻzbekiston milliy jamoasi jahon chempionati guruh bosqich 2-tur doirasidagi Portugaliyaga qarshi bahsda oq libosda oʻynaydi. Bu haqda OʻFA matbuot xizmati xabar berdi.
«Bugun, 23 iyun kuni Oʻzbekiston milliy jamoasi jahon chempionati guruh bosqichining 2-turida Portugaliyaga qarshi oʻyin oʻtkazadi.
Ushbu bahs oldidan FIFA vakillari hamda jamoalar rasmiylari ishtirokida uchrashuv boʻlib oʻtdi. Unda musobaqa reglamentiga oid bir qator masalalar yuzasidan tushuntirish va eslatmalar berib oʻtildi.
Qayd etish lozim, bu oʻyinda futbolchilarimiz toʻliq oq, darvozabonimiz esa yashil libosda harakat qilishi ma'lum boʻldi», — deyiladi xabarda.
Avvalroq Portugaliya — Oʻzbekiston qarama-qarshiligini Mirzahakim Toʻxtamirzayev sharhlashi ma'lum qilingan edi.
