Fransiya milliy jamoasi bosh murabbiyi Didie Desham jahon chempionati guruh bosqich 2-tur doirasidagi Iroqqa qarshi bahs (3:0)dan so'ng o'z fikrlarini bildirib o'tdi.
«Ikkinchi taymda biz vaziyatni to'liq nazorat qildik. Garchi bu oson bo'lmagan bo'lsa-da, buni uddalay oldik. Lekin yakuniy natija borasida hech kimda shubha yo'q edi va bu juda yaxshi.
Bugun biz pley-offga chiqdik, ammo Norvegiyaga qarshi o'yin guruhdagi yakuniy o'rnimizni hal qiladi», — dedi Desham.
Ma'lumot o'rnida, 2-turdan so'ng Fransiya milliy jamoasi 6 ochko to'plagan holda I guruhida peshqadam bo'lib turibdi. Shuningdek, Norvegiya hisobida ham aynan shuncha ochko mavjud.
Senegal va Iroq esa hali guruh bosqichida ochko jamg'ara olmadi va mos ravishda 3 hamda 4-pog'onalarni band etgan.
