"Barselona" bosh murabbiyi Hans-Diter Flik La Liga 33-tur doirasidagi "Selta"ga qarshi o'yin (1:0)da jarohat olgan Lamin Yamal haqida fikr bildirdi.
"Ertagacha kutish kerak. Qandaydir muammo bor, chunki u noqulaylikni his qildi. Kanselu bilan bog'liq vaziyat jiddiy emasdek tuyulmoqda, ammo baribir yakuniy qarorni kutish lozim.
Yamaldan jarohat bordek, ammo u qancha vaqt maydonga tusha olmasligini aniqlashimiz kerak. Hozircha boshqa hech narsa deya olmayman, kutishga to'g'ri keladi.
Murabbiy sifatida bunday vaziyatlarni qabul qilishga majburman. Laminning aynan shu paytda jarohat olgani achinarli, ammo men Rafinya, Bernal, Kristensen haqida ham o'ylayapman…
Endi e'tiborni "Xetafe"ga qarshi o'yinga qaratishimiz kerak. Xafa emasman deb ayta olmayman, miyamda ko'p fikrlar bor. Muhimi, biz kurashishda davom etamiz", — dedi Flik.
Ma'lumot o'rnida, bu mavsum Yamal barcha musobaqalarda 45 ta o'yinda qatnashib, 24 ta gol va 18 ta assistni o'z hisobiga yozdirdi.
