Kataloniyaning «Barselona» klubi bosh murabbiyi Hans-Diter Flik shogirdlaridan biridan norozi. Hatto «Rasing» ustidan 7:2 hisobida qozonilgan g‘alaba ham nemis mutaxassisining darvozabon Voysex Shesnining sport formasi borasidagi xavotirini yo‘qqa chiqara olmadi.
Gap natijaga ta’sir ko‘rsatgan xatoda emas, balki Shesnining o‘z jismoniy tayyorgarligiga yetarli e’tibor bermay qo‘yganidadir.
«Barselona»da o‘yinchilardan intensivlik, diqqatni jamlash va eng yuqori daraja talab etiladi, hatto zaxira o‘yinchisi bo‘lsangiz ham. Flik buni qabul qilib bo‘lmaydigan intizomsizlik deb hisoblaydi», — deyiladi El Nacional nashri materialida.
Flik Shesnining jismoniy tayyorgarligi talab darajasida emasligini ko‘rib turibdi, bu esa uning reaksiya tezligi va harakatchanligiga ta’sir qilmoqda.
Eslatib o‘tamiz, Voysex Shesni «Rasing»ga qarshi o‘yin tanaffusida jarohat olgan Joan Garsiyani almashtirgan edi.
Muxlislar bu yangilikni Telegram’da muhokama qilmoqda
Izohlar Telegram’da ochiladi