Dembele Ispaniya bilan oʻyin tanaffusida jamoadoshlarini pressing borasida tanqid qilgan

Fransiya milliy jamoasi vingeri Usmon Dembele Ispaniyaga qarshi oʻyinning tanaffusida kiyinish xonasida soʻzga chiqqan.

«Uchranglilar» JCH-2026 yarim finalida ispanlarga 0:2 hisobida magʻlub boʻlishdi.

L'Équipe nashrining yozishicha, Dembele oʻyin borishini oʻzgartirishga urinib, birinchi boʻlimdan keyin — fransuzlar 0:1 hisobida ortda qolayotgan paytda jamoadoshlariga murojaat qilgan.

Ma'lum qilinishicha, «PSJ» futbolchisi Fransiyaning pressingiga e'tibor qaratib, bu harakatlar yetarlicha muvofiqlashmaganini ta'kidlagan.

Biroq uning gaplari ayrim jamoadoshlarining noroziligiga sabab boʻlgan. Ular Usmon faqat oʻz oʻyini oʻxshamay qolgandagina hissiyotga berilib, faoliyat koʻrsatadi, boshqa vaziyatlarda esa bunday munosabat bildirmaydi deb hisoblashgan.