2026 yilgi jahon chempionati finalida Argentina va Ispaniya milliy jamoalari o'zaro to'qnash keladi.
Bu ikki jamoaning jahon chempionati pley-off bosqichidagi ilk o'zaro to'qnashuvi bo'ladi. Umuman olganda, milliy jamoalar ishtirokidagi rasmiy turnirlarda bu ularning ikkinchi uchrashuvidir. Ilk bahs 1966 yilgi jahon chempionati guruh bosqichida o'tkazilgan va unda Argentina 2:1 hisobida g'alaba qozongan.
Bundan tashqari, ikki jamoa o'zaro 13 ta o'rtoqlik uchrashuvida maydonga tushgan. Ularda Ispaniya 6 marta, Argentina 5 marta g'alaba qozongan, yana ikki o'yin durang bilan yakunlangan.
Qayd etish lozim, shu yil mart oyida Argentina va Ispaniya Amerika kubogi hamda Yevropa chempionati g'oliblari o'rtasida o'tkaziladigan Finalissima bahsida o'zaro to'qnashishi kerak edi. Biroq uchrashuv keyinchalik bekor qilindi.
Ma'lumot o'rnida, argentinaliklar yarimfinalda Angliyani 2:1 hisobida mag'lub etgan bo'lsa, ispaniyaliklar Fransiyani 2:0 hisobida yengdi.
2026 yilgi jahon chempionati finali Nyu-York shahrida bo'lib o'tadi. O'yin 19 iyuldan 20 iyulga o'tar kechasi Toshkent vaqti bilan soat 00:00 da boshlanadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi