Germaniya chempionatining 4-turida «Ayntraxt» o‘z maydonida «Frayburg»ni qabul qildi. «Frankfurt Arena» stadionida kechgan bahs 2:2 hisobida yakunlandi.
Yunes Ebnutalib 10-daqiqada mezbonlarni oldinga olib chiqdi. 34-daqiqada Derri Sherxant hisobni tenglashtirdi. Oradan ikki daqiqa o‘tib, Jonatan Burkardt «Ayntraxt»ni yana oldinga olib chiqdi.
Ikkinchi bo‘lim boshida, 48-daqiqada Yuito Suzuki gol urib, hisobni 2:2 ko‘rinishiga keltirdi. Qolgan daqiqalarda boshqa gol urilmadi.
Ushbu natijadan so‘ng «Frayburg» 10 ochko bilan 2-o‘rinda, «Ayntraxt» esa 5 ochko bilan 8-o‘rinda bormoqda.
Bundesliganing 4-turida «Borussiya» M o‘z maydonida «Maynts»ni qabul qildi. Bahs 3:4 hisobida yakunlandi.
Florian Noyhaus 11-daqiqada mezbonlarni oldinga olib chiqdi. Filipp Tits 18-daqiqada hisobni tenglashtirdi, Sheraldo Beker esa 45-daqiqada «Maynts»ni oldinga olib chiqdi.
Isak Lidberg 59-daqiqada hisobni yana tenglashtirdi. 78-daqiqada Erik Martel mehmonlarni yana oldinga olib chiqdi, 89-daqiqada Danni da Kosta farqni ikkita golga yetkazdi.
Suto Machino 90+5-daqiqada penaltini aniq amalga oshirib, farqni qisqartirdi, biroq «Borussiya» hisobni tenglashtira olmadi.
Bundesliganing 4-turida «Verder» o‘z maydonida «Augsburg»ni qabul qildi. Mezbonlar 0:2 hisobidan qaytib, 3:2 hisobida g‘alaba qozondi.
Robin Fellxauer 18-daqiqada «Augsburg»ni oldinga olib chiqdi. 58-daqiqada Kelvin Brakkelman mehmonlarning ustunligini oshirdi.
«Verder» 66-daqiqada Marko Gryullning goli bilan farqni qisqartirdi. 87-daqiqada Niklas Fyllkrug hisobni tenglashtirdi.
Mezbonlar 90+3-daqiqada Mitchell-Elia Vayzerning goli evaziga kambekni yakunlab, uch ochkoni qo‘lga kiritdi.
Bundesliganing 4-turida «Gamburg» o‘z maydonida «Kyoln»ni qabul qildi. Bahs mezbonlarning 2:1 hisobidagi g‘alabasi bilan yakunlandi.
44-daqiqada Nikolas Kapaldo hisobni ochib, «Gamburg»ni tanaffusga ustunlik bilan olib chiqdi. 50-daqiqada Yussuf Poulsen mezbonlarning ikkinchi golini urdi.
«Kyoln» 90-daqiqada Ragnar Axening goli evaziga farqni qisqartirdi. Biroq qolgan vaqtda hisob o‘zgarmadi.
Bundesliga. 4-tur
Borussiya M — Maynts 3:4
Gollar: Noyhaus 11, Lidberg 59, Machino 90+5 — Tits 18, Beker 45, Martel 78, Da Kosta 89.
Ayntraxt — Frayburg 2:2
Gollar: Ebnutalib 10, Burkardt 36 — Sherxant 34, Suzuki 48.
Verder — Augsburg 3:2
Gollar: Gryull 66, Fyllkrug 87, Vayzer 90+3 — Fellxauer 18, Brakkelman 58.
Gamburg — Kyoln 2:1
Gollar: Kapaldo 44, Poulsen 50 — Axe 90.
Telegram’da birinchi bo‘lib fikr bildiring
Muhokamaga o‘tishIzohlar Telegram’da ochiladi