«Manchester Yunayted» bosh murabbiyi Maykl Kerrik Angliya Premyer-ligasining 9-turi doirasida «Chelsi»ga qarshi kechadigan safar bahsi oldidan fikr bildirdi.
«Biz natijaga chanqoqmiz. Ochko jamg‘arishni va o‘yinlarda g‘alaba qozonishni istaymiz. Bizda buni amalga oshirish uchun navbatdagi imkoniyat paydo bo'lmoqda», — deya mutaxassisning so‘zlarini insayder Fabritsio Romano ijtimoiy tarmoqlarida keltirdi.
Eslatib o'tamiz, «Chelsi» va «Manchester Yunayted» o‘rtasidagi bahs 31-oktyabr, shanba kuni bo‘lib o‘tadi. Hakamning dastlabki hushtagi Toshkent vaqti bilan 17:30 da yangraydi.
Ma'lumot uchun, 9-tur oldidan «Chelsi» Premyer-liga turnir jadvalida 5-o‘rinni egallab turibdi. «Manchester Yunayted» esa 17-pog‘onada bormoqda.
