«Манчестер Юнайтед» бош мураббийи Майкл Кэррик Англия Премер-лигасининг 9-тури доирасида «Челси»га қарши кечадиган сафар баҳси олдидан фикр билдирди.
«Биз натижага чанқоқмиз. Очко жамғаришни ва ўйинларда ғалаба қозонишни истаймиз. Бизда буни амалга ошириш учун навбатдаги имконият пайдо бўлмоқда», — дея мутахассиснинг сўзларини инсайдер Фабрицио Романо ижтимоий тармоқларида келтирди.
Эслатиб ўтамиз, «Челси» ва «Манчестер Юнайтед» ўртасидаги баҳс 31 октябр, шанба куни бўлиб ўтади. Ҳакамнинг дастлабки ҳуштаги Тошкент вақти билан 17:30 да янграйди.
Маълумот учун, 9-тур олдидан «Челси» Премер-лига турнир жадвалида 5-ўринни эгаллаб турибди. «Манчестер Юнайтед» эса 17-поғонада бормоқда.
