«Арсенал» бош мураббийи Микел Артета «Ливерпул»нинг АПЛ чемпионлиги учун имкониятлари ҳақида гапирди.
«Менимча, барча топ клублар чемпионлик учун курашиши мумкин. Мавсум эндигина бошланди. Бу, шубҳасиз, «Ливерпул»га ҳам тааллуқли. Клуб таркиби, мураббийи ва тарихига бир назар ташлашнинг ўзи кифоя», — деди Артета.
Эслатиб ўтамиз, АПЛнинг 9-тури доирасида лондонликлар сафарда «Ливерпул»га қарши баҳс олиб боради. Учрашув эртага, 1 ноябр куни Тошкент вақти билан соат 21:30 да бошланади.
Маълумот ўрнида, «тўпчилар» 8 та турдан кейин 21 очко билан турнир жадвалида 2-ўринда бормоқда. Жамоа фақат тўплар фарқига кўра пешқадам «Манчестер Сити»дан ортда қолмоқда.
«Мерсисайдликлар» эса 15 очко билан 4-поғонани эгаллаб турибди. Аввалроқ Артета Ҳаверцнинг бир мавсумда 25–30 та гол уришига ишонаётгани маълум қилинганди.
Telegram’да биринчи бўлиб фикр билдиринг
Муҳокамага ўтишИзоҳлар Telegram’да очилади