Англия миллий жамоаси собиқ ҳужумчиси Майкл Оуэн 2001 йилда ютган «Олтин тўп» соврини одамлар томонидан етарлича эътироф этилмаётганини айтди.
«Менимча, «Олтин тўп»ни ютган бошқа футболчиларга кўрсатилган эътироф менга нисбатан билдирилмайди.
Мамлакатимизда бу совринга ҳеч қачон бундай катта аҳамият беришмаган. Испанияда бўлганимда эса бу ғалабам учун мени қаҳрамон деб аташарди.
Бу мукофот билан чексиз фахрланаман. Ғолиблар рўйхатига қарасам, ҳали ҳам телефонимда натижалар жадвалининг суратини сақлаб келаётганимни эслайман. Унда иккинчи, учинчи, тўртинчи ва бошқа ўринларни эгаллаган футболчилар кўрсатилган.
Бу рўйхатга қарасангиз, ҳаяжондан нафасингиз ичга тушиб кетади. Болалигимда айнан шуни орзу қилардим.
Мен шунчаки футболчи бўлишни эмас, балки энг яхши футболчи бўлишни истардим. Ҳозир бу ғалаба менга футбол ўйнаган пайтимдагидан ҳам кўпроқ қувонч бағишлайди.
22 ёшда бўлганингизда эса бу яна бир соврин, холос. Энди уни яна бир бор ютишингиз керак бўлади», — деди Оуэн.
Эслатиб ўтамиз, 2026 йилги «Олтин тўп» соврини яна бир англиялик футболчи Ҳарри Кейнга насиб этди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади