«Бавария» клуби ҳужумчиси Ҳарри Кейн «Олтин тўп» совринини қўлга киритганидан сўнг, клуб ва миллий жамоадаги шерикларини эътироф этди.
«Мен жуда омадлиман: атрофимда ажойиб футболчилар ва инсонлар бор — ҳам миллий жамоада, ҳам «Бавария»да. Ёнингизда Олисе, Диас, Сака, Беллингҳем ва бошқа юқори даражадаги футболчилар бўлса... Улар менга ёрдам беришади, мен учун қулай позициялар яратишади, ҳимоячиларни ўзларига жалб этишади. Буларнинг барчаси менга ўзимни намоён этиш имконини беради. Гарчи бу индивидуал мукофот бўлса-да, мен уларга миннатдорчилик билдирмоқчиман, чунки уларсиз буларнинг ҳеч бири бўлмасди — жамоанинг моҳияти айнан шунда», - дея Кейннинг сўзларидан иқтибос келтиради Sky Sports.
Маълумот учун, «Олтин тўп» учун овоз беришда иккинчи ўринни «Реал» футболчиси Килиан Мбаппе эгаллади. Учинчи ўринни «Барселона» вингери Ламин Ямал эгаллади.
